Unglingavinnan, hvernig er skipulagið þar?

Var vitni að því að horfa á einn flokk vinna saman í unglingavinnu í vikunni. Nokkrir unglingar unnu undir stjórn drengs sem var örlítið eldri en þeir. Á meðan þau unnu sat verkstjórinn drengurinn og skoðaði símann sinn.Gerði ekkert! Nú er ég farin að halda að þetta sé lenska í unglingavinnunni.  Hver er ábyrgð þess sem hefur umsjón með flokknum og hver á að kenna unglingunum að vinna? Hvernig virkar svona fyrirmynd? Eigum við að kenna ungdómi þessa lands gamla stjórnkerfið að það er einn sem skipar fyrir og hinir eiga að hlýða og þræla eða eigum við að efla leiðtogafræðslu? Leiðtoginn er með og saman vinnum við að markmiðinu. Það væri miklu öflugra tæki til kenna ungmennum að vinna að mínu mati.