Nokkur orð í belg

Mig langar að leggja nokkur orð í belg. Það gengur ekki hjá forsætisráðherra að finna ekki tíma til að hitta varaforseta  Bandaríkjanna. Hér er mikil skammtímahugsun í gangi og velferð landsins ekki höfð að leiðarljósi. Að skapa svona umtal eins og nú á sér stað er ekki það sem lítið land mitt í Atlandshafi þarf á að halda. Við lifum m.a. á því að flytja ferðamenn frá Bandaríkjunum til Evrópu og sem betur fer stoppa sumir hér við. Hverjum er verið að þjóna með þessari ákvörðun? Er alls ekki ánægð með þetta!

Athugasemdir

[Ingibjörg Magnúsdóttir, 1.9.2019 kl. 00:46]

Sæl Sveinbjörg, málið er að á sínum tíma var tímasetningin með konu varaforsetans nokkuð óákveðin. Katrín forsætisráðh. var boðið að halda ræðu erlendis sem hún þáði og ætlar að standa við það, sem er virðingarvert.

Koma varaforsetans er ekki á vegum forsætisráðuneytisins, heldur utanríkisráðuneytisins. Þetta er stutt heimsókn, og Guðlaugur utanríkisráðherra mun hitta Mike Pence í Höfða á miðvikudaginn. Annað hvort f.h. eða eftir h.d. En Pence mun snæða hádegisverð með forseta Íslands á Bessastöðum. Síðan mun varaforsetinn yfirgefa landið síðdegis. Lítill tími mun gefast til fleiri funda, og ekkert víst að varaforsetinn hafi áhuga á að funda með forsætisráðherranum. A.m.k. hefur ekkert heyrst í Trump varðandi þetta, en hann er vanur að tísta um flest mál.

En eins og við vitum þá hafa Bandaríkjamenn mestan áhuga á að sölsa undir sig Norðurslóðum, sbr. Grænland, og auðvitað er utanríkisráðherrann fyrsti maður hér á landi til að ráðfæra sig við. Ekki þarf allt að leggja í hendur forsætisráðherra.

[Sveinbjörg Björnsdóttir (IP-tala skráð) 1.9.2019 kl. 07:57]

Sæl ég vona svo sannarlega að áhyggjur mínar séu óþarfar. Höfum samt í huga að ferðamannaiðnaðurinn er viðkvæmur í augnablikinu og megum við ekki við samdrætti þar. Við umtal eins og hefur verið varðandi komu varaforsetans í fjölmiðlum hér á landi erum við í kastljósi fjölmiðla í öðrum löndum og gætum fengið neikvæðar umfjallanir um landið sem við megum ekki við. Við þurfum að stíga varlegar til jarðar samskiptum við nánasta umhverfi, umhverfi sem við þörfnumst að vera í góðum samskiptum við. Vera góðir gestgjafar og taka opnum örmum þeim sem heimsækja okkur valdamönnum sem öðrum ef við viljum byggja hér upp arðbæran ferðamannaiðnað.