Þeir finna sig hvergi - er ekki kominn tími til aðgerða?

http://ruv.is/frett/%E2%80%9Etheir-finna-sig-hvergi%E2%80%9C

Hreyfingarleysið er orðið alvarlegt meðal barna okkar - Nike N7 fund

Kíkið á þetta vídeo það segir meira en mörg orð

http://www.designedtomove.org/en_us/ 

Erfiðustu spurningarnar koma ekki á prófi - málþing 17. febr. sl. um gildi listar og verknáms

Langaði að deila með ykkur nokkrum atriðum sem komu fram á þessu málþingi sem var 17. febrúar 2014. Málþingið var á vegum Kennarasambands Íslands. Heiðursgestur var Dr. Linda Nathan. Ráðgjafi ríkiskóla í Boston. Dr. frá Harvard og fyrsti skólastjóri Boston Arts Academy en hann er eini ríkisskólinn í Boston (high school) sem sinnir list-og verknámi.
10 atriði sem styrkja hvers vegna við ættum að kenna list- og verkgreinar.

1. Hjálpar börnum að ígrunda og móta góð sambönd

2. Kennir okkur að vandamál geta haft fleiri ein eina lausn

3. Listin undirstrikar margbreytileika

4. Kennir börnum að aðstæður  geta breytt möguleikum og lausnum

5. Tungumál (bókvit) getur ekki takmarkað þekkingu okkar

6. Kenna að smávægilegar breytingar geta haft mikil áhrif

7. Hjálpa börnum að læra það sem ekki er hægt að segja

8. Kennir börnum að hugsa og framkvæma með efniviði

9. Listin getur veitt okkur reynslu sem ekkert annað form getur gert

10. Vægi listar og verkgreina í námskrá sýnir hversu hinir fullorðnu meta vægi þessa

List og verknám :

styrkir samvinnu

hjálpar að setja sig í spor annarra

lærum hlutina betur í gegnum list og verk. T.d. leikrit

náum að opna okkur meira gagnvart umhverfinu

Veita þarf meira fjármagni í list og verkgreinar! 

Söluskrifstofa án aðgreiningar

Ég ert mættur á skrifstofuna. Salan hefur verið góð hjá mér og ég er spenntur að halda áfram. Það sem angrar mig eru nýju skipulagsbreytingarnar. Skrifstofan er orðin opin og  það hafa ekki aðeins verið ráðnir sölumenn, heldur fólk með allskonar reynslu og hugmyndir. Einstaklingar sem eiga erfitt og hafa lítinn áhuga á starfinu eru þarna innan um.   Ég sest við borðið mitt og rýni í sölutölurnar. Æ hvað var nú þetta gatari kom a fleygiferð og lenti á hausnum  á mér.  Mér bregður , er aumur eftir þetta en reyni að harka af mér og byrja á áætlunum. Sumir eru að hlæja. Skrítið hugsa ég.  Síðan kemur einn með blað samanbrotið og lemur í mig. Blessaður hvað segirðu? Hann byrjar að spjalla og ég tefst.  Kemst ekki áfram.  Háreysti er í einu horninu, fimm hafa lent í útistöðum og sölustjórinn reynir að sjatla málin þarna. Dagurinn er liðinn ég fer heim svolítið taugaóstyrkur. Mér var nú ekki mikið úr verki í dag en vonandi verður næsti dagur betri og árangursríkari!

Þetta er venjulegur dagur í skóla án aðgreiningar.

Góð grein sem ég mæli með:

kronikker/Det-farlige-klasserommet-7444219.html#.UznhCScgGSM

Det farlige klasserommet

www.aftenposten.no

 

Gildi verkgreina

Gildi verkgreina

Stöðugt er dregið úr verkgreinakennslu sem í raun þyrfti að auka.  Við þurfum verkkunnáttu við allt sem við framkvæmum.  Við getum farið alla leið til Rousseau (1712-1778) sem var hvatamaður fyrir alhliða menntun.  Í bók hans Emile leggur hann á það áherslu að mikilvægt sé að kunna að bjarga sér við þær aðstæður sem upp koma hverju sinni.  Hann varaði við einhæfri menntun og bendir á að maður með margvíslega færni gefst síður upp þótt hann missi vinnuna.  Sá hinn sami heldur áfram og byrjar á nýju verkefni.  Í viðtali við Morgunblaðið 16. október, 2003 sem ber heitið ,,Nauðsynlegt er að leggja einnig rækt við verknám‘‘ bendir Þórir Þorvarðarson á að einstaklingarnir séu eins ólíkir og þeir eru margir. Því hljóti að vera umhugsunarefni fyrir skólana hvort verið sé að steypa nemendur í sama mót þar sem straumurinn virðist stefna í sömu átt s.s. viðskiptatengda menntun og afleiðingarnar atvinnuleysi vel menntaðs fólk.  Í rannsókn sem ég gerði við BA ritgerð mína árið 2005 í KHÍ talaði ég við verkgreinakennara og fólk í atvinnulífinu.  Allir voru á einu máli um að efla þyrfti verknám.  Ástæðurnar eru margvíslegar.  Þau rök sem skipta mestu máli eru að þjóðfélagið byggir á verklegum athöfnum og hæfu starfsfólki.  Við megum ekki glata dugnaði, framtakssemi og þróunarvinnu.  Það er mikið umhugsunarefni að á tímum atvinnuleysis þá vanti t.d. nemendur í matreiðslunám og að nemendur vilji ekki nám sem tengist t.d. sjávarútvegi.

,,Ása ´´ - fórnarlömb hrunsins þurfa mikla aðstoð umhverfis

,,Ása´´

Ása er í 5. bekk.  Hún hefur lent í alvarlegu einelti.  Ása er kappsöm í námi og skarar fram úr jafnöldrum sínum varðandi námgetu.  Hún þarf að hafa nóg af verkefnum því annars leiðist henni.  Pabbi Ásu missti vinnuna í kjölfar bankahrunsins.  Einbýlishúsið fór á uppboð, skilnaður foreldranna og fátækt er staðreynd.

Þarna eru breytingarnar gífurlegar hjá Ásu.  Hún höndlar þær ekki og vanlíðanin er mikil. Ása er  nemandi í 25 nemanda bekk. Kennari verður að vera hennar stoð og stytta. Henni líður svo illa að vanlíðan hennar bitnar á hinum nemendunum í orðum og gjörðum þar sem upplifir algjöra breytingu á öllu hennar umhverfi.  Hún fylgist með foreldrum sínum þegar þeir hringja í ættingja til að fá lánaða peninga til þess að geta keypt mat.  Hún er búin miklum hæfileikum en þarf nauðsynlega á sálfræðiaðstoð að halda vegna breytinganna á persónulegum högum sínum og eineltisins sem hún lenti í.   Hún þyrfti einstaklingsnámsáætlun vegna mikillar greindar þannig að hæfileikar hennar fái notið sín og henni leiðist ekki.  Hún er mikilli þörf fyrir athygli og umhyggju af hálfu starfsfólks skólans.  Það eru margar Ásur í skólakerfinu í dag. Börn sem eru fórnarlömb hrunsins. Þessi börn þurfa meiri tíma starfsfólks og hjálp sérfræðinga. Hvernig dettur mönnum þá í hug að fjölga ennþá meira í bekkjum? Þvílíkt þekkingarleysi á aðstæðum í skólunum! 

,,Gunnar´´ - Úr lífi drengs í Reykjavík

 

,,Gunnar´´

Gunnar gengur í einn af grunnskólum borgarinnar.  Foreldrar hans eru í fullri vinnu,  fara heim eftir vinnudaginn og þá taka við heimilisstörf.  Gunnar  hefur aldrei verið mikill námsmaður og leiðist skólinn.  Foreldrar hans ákváðu að flytja úr hverfinu því að þau vildu búa í raðhúsi.  Gunnari leyst ekkert á það.  Hann var hræddur við að tapa félögum sínum. 

Gunnar fann sig ekki á nýjum stað.  Hann var og er mikið í tölvunni.  Hann hefur litla ábyrgðarkennd. Það sama á við um félaga hans.  Hann reykir og því miður prófar hann annað og sterkara.

Aðstæður Gunnars eru mjög venjulegar.  Þær eru dæmi um aðstæður venjulegra reykvískra drengja sem eru ekki í íþróttum.  Gunnar býr með foreldrum og systur sem bæði eru útivinnandi og líta út fyrir að vera ábyrgir foreldrar.  Gunnar neyddist einungis til að breyta um búsetu sem hann þolir ekki. Nýja lífið á nýja staðnum verður erfiðara og afdrifaríkara fyrir Gunnar en menn gerðu sér grein fyrir áður en farið var af stað.  Gunnar býr ekki við stuðning t.d. ömmu og afa  nálægt sér.  Hann missti gömlu vini sína við það að flytja í nýja hverfið. Gunnar venst því að vera einn, sjá um sig sjálfur meðan foreldrarnir eru í vinnu, er í tölvunni eða hangir með nýju félögunum.  Skólinn nær ekki til hans. Hann situr í tímum, er ekki þátttakandi í kennslustundum og sér engan tilgang með því að læra. Gunnar er núna tvítugur áttavilltur ungur maður og það sem verra er hann er ekki tilbúinn til að sjá fyrir sér hvað þá fjölskyldu.

Við sjáum af þessu dæmi að skólinn getur ekki einn og sér bjargað þessum nemanda en hann getur breytt skipulagi kennslunnar og gert hana áhugaverðari.   Það hefði t.d. verið nauðsynlegt að efla áhuga Gunnars á skólanum.  Gunnar hefði þurft (sbr. rannsóknir á námsumhverfi stráka í skóla) meiri hreyfingu og rauntengd verkefni sem eru ekki voru til staðar í hans námi.  Hann hefði þurft að gera sér grein fyrir tilgangi námsins.  Gunnar hefur fengið vitneskjuna í brotum og á erfitt með að tengja þau og sér því ekki samhengið.  Þarna er einnig mjög mikilvægt að skoða uppbyggingu hverfa að þau séu þannig byggð upp að fjölbreytni ríki hvað varðar tilboð til barna og unglinga. Eru t.d.möguleikar á að æfa sig á bretti í hverfinu? Hvað með skátastarf? Er vinna í boði fyrir unglinga?  Svo er einnig mjög mikilvægt að velta fyrir sér kostnaði því að mörg börn eiga mjög líklega erfitt með að greiða þátttökugjöld sökum fjárhagsvanda heima fyrir. Þessir þættir eru mikilvægir í komandi sveitastjórnarkosningum. Hlúum að þessum málum. Pössum upp á hvern einasta ungling. Allir eiga rétt á að njóta sín!

Fjöldaframleiðsla - Gæti það verið?

Gæði uppeldis

Fjöldaframleiddar vörur eru allar eins en skraddarasaumaðar vörur eru yfirleitt ólíkar.  Þær eru dýrari og taka meiri tíma í framleiðslu.  Þær hafa meiri gæði og nýtast lengur.  Þessa  mynd má heimfæra upp á uppeldið.  Við þurfum að eyða meiri tíma og vinnu í uppeldið hér á landi ef við viljum auka gæði þess.  Englendingar segja það þurfi heilt þorp að ala fólk upp.  Sommerset Maugham skrifaði í bók sinni The Razors´s Edge :

Karlar og konur eru ekki aðeins þau sjálf, þau eru hverfið sem þau voru alin upp í, borgin sem þau stigu sín fyrstu skref í,         leikirnir sem þau léku, maturinn sem þau borðuðu, skólarnir sem þau sóttu, íþróttirnar sem þau stunduðu, bækurnar sem þau lásu og sá Guð sem þau trúðu á.  

Uppeldishlutverk okkar og það umhverfi sem við bjóðum upp á, skiptir sköpum um hvernig okkur tekst til gagnvart börnum okkar.  Öll viljum við að börnin okkar verði gæfusöm og að þau geti nýtt hæfileika sína til fullnustu. Fái það umhverfi sem til þarf til þess að það geti orðið.  Það er algjörlega nauðsynlegt að fara ofan í kjöl þessara mála í heild sinni hér á landi og þar megum við engan tíma missa.  Ég er sannfærð um að fara þarf í miklar breytingar í málefnum barna og unglinga sem lúta að því að efla gæði náms, uppeldis, stuðnings við fjölskyldur og alls aðbúnaðar hvað varðar börn og unglinga á Íslandi.

Breytingar á umhverfi barna kalla á aðgerðir

Þjóðfélagslegar breytingar hafa verið gífurlegar síðustu ár

Miklar breytingar hafa átt sér stað hér á landi í umhverfi barna og unglinga síðustu áratugi.  Áður fyrr var í boði mikil vinna fyrir unglinga þannig að verklegt nám, dugnaður, skyldurækni, virðing o.s.frv. lærðist oftar en ekki í umhverfinu.  Börn og unglingar nutu í meira mæli samvista við eldri kynslóðir sem leiddi af sér fræðslu og leiðbeiningar.  Þannig var menningu miðlað milli kynslóða.  Þjóðfélagið hefur gjörbreyst síðustu áratugi.  Skorið hefur verið á milli stönguls og rótar í samskiptum milli hinna eldri og yngri.  Menning flyst þar af leiðandi ekki milli kynslóðanna lengur  eins og áður.  Hólfaskipting samfélagsins er hluti skýringarinnar þar sem við höfum hina elstu á elliheimilum og hina yngstu á leikskólum.  Öll sú viska og þekking sem eldri kynslóðin býr yfir fer forgörðum.  Dugnaður, tillitsemi, kurteisi, vandvirkni o.fl. sem lærðist í samskiptum við hina eldri og krefst tíma nýtur ekki lengur við. Fræðslan er á færri herðum og minni tími til fyrir hvern og einn.  Börn og unglingar eyða nú mörgum tímum á dag fyrir framan tölvuskjái og stöðug mötun á sér stað.  Samskipti margra barna fara í raun mest megnis fram í gegnum tölvu.  Of mikil innivera er staðreynd  og þar með  er hreyfingarleysið farið að taka sinn toll af heilsu barna sem t.d. má merkja með aukningu í offitu barna.  Þessar breytingar stuðla m.a. að því að börn hafa ekki þann grunn sem þau þurfa til þess að takast á við lífið. Umhverfi barna þarf að breyta!

 

Vítamín - Uppeldi

Það er ljóst að samsetning vítamína fyrir líkamann þarf að vera í réttum hlutföllum. Ef við tökum of mikið af einstökum efnum eða fáum of lítið af þeim getur það leitt til ýmissa kvilla.  Eins er farið með þá þætti sem móta börn okkar í uppeldi. Ofuráhersla á ýmsa þætti getur leitt til að þau fá ekki nóg af annarri færni. Færnin þarf að vera góð blanda. T.d. blanda af bóklegu námi, verklegri þjálfun, læra skyldur, gildi, jafnrétti og o.s.frv.  Það bráðvantar að efla færni eins og: Verklegt nám, nám í siðfræði og kurteisi, í þjóðfélagslegum skyldum o.s.frv. Mikil vinna var áður fyrir unglinga og þetta lærðist í umhverfinu. Þjóðfélagið hefur gjörbreyst í tæknivæðingunni en þarna þarf á þjóðfélagslegri byltingu að halda. Allir þurfa að koma að þessu. Skapa þarf umhverfi fyrir börn þar sem þau læra þessi gömlu góðu gildi. Dugnað, tillit til annarra, vandvirkni o.s.frv. Breið færni hlýtur að vera það vítamín sem Ísland þarf á að halda núna. Börnin okkar eiga rétt á að vera undirbúin undir lífið.